الشاعر علي بن ناجي يكتب على جرجيس____تونس

 .

جرجيس تبكي جارها مبكيها  ..

رقت موجته غارت على ذراريها

..

و البحر وجعها 

تنوح على لكباد ما سامعها 

كانش فريسة باردة رجعها 

و الا فريسة باردة مخبيها

..

عالحجر تستنى 

في اللي رحل يحساب غادي جنة

لا ثم في ايديها ذهب لا حنة 

ما ثم كان اكفان بين ايديها 

..

غير  اصبري يا وخية 

لخوت راحو للبحر هدية

في بلادنا ما حد يدري  بيا 

قال كلمته و الموت شارق بيها

..

اهلك مشوا حوامة 

و امك  عقلها يدور في دوامة 

و رجعو و دمعتهم مثيل ايتامى 

كل عين تبكي دم عل غاليها

..

جرجيس تبكي بحرها مبكيها ..

رقت موجته غارت على ذراريها..

.

... الشاعر علي بنناجي 19\10\2022